سموذي صحي

كيفكم ان شاءالله تمام ؟

اليوم حابة أوريكم طريقة أفضل عصير صحي يفيدكم وطعمو مرة حلو

اخترت أفض طريقتين أو خلطتين أحبها وأدمنتها هذا الشهر ..

ويلا نبدأ..

طريقة عمل أي سموذي صحي وتكون مكوناتو حلوة ومفيدة

راح نستخدم العسل طبعا أنا مخلص من عندي عسل الأكاسيا أفضل من هذا العسل .. نستخدم العسل ليش ؟ أفضل بمراحل من السكر .. واللي مو حابة العسل بالسموذي تقدر تستخدم سكر صحي تلاقيه بالصيدليات أو السوبرماركتات زي مانويل والدانوب

..

وثاني حاجة حتفيدكم أفيد شي بذور الشيا العضوية راااائعة والشيا عبارة عن بذور أو حبوب فيها دهون مفيدة للجسم .. وفوائدها لاتعد ولاتحصى على سبيل المثال :غنية بالأوميقا ثري ... عالية بالألياف...غنية بالكالسيوم...مفيدة لصحة القلب.

طريقة استعمالها يمكن مو الكل يعرفها انو لمن نستخدمو مع السموذي ماناكلو مباشرة نحطو مع العصير ونخليه يتنقع لمدة لاتزيد عن ١٠ دقايق أو ربع ساعة .. ليش؟ لأن فوائدو تكون أقوى ومفعولها أكبر من أن تكون ناشفة وحب فحطوها مع العصير

أو السلطة أو الأكل وقلبوها أو حركوها مع الأكل وخلوها لفترة بسيطة بعدين تكون جاهزة للتقديم والإستخدام

..

وآخر شي الأفضل نستخدم مع السموذي عشان يكون مفيد وقيمتو الغذائية مرتفعة نستخدم حليب الصويا بدلا من الحليب العادي أو المويا..

وحليب الصويا فوائدو كثيرة على سبيل المثال:

يعتبر عذاء كامل متكامل وهو أغنى من القمح بالموارد البروتينية..يعرف بنسبة من مضادات الأكسدة العالية...ينشط جهاز المناعة...خالي من الكليسترول.

جربت نكهات كثيرة من حليب الصويا وأفضل نكهة بالنسبة لي نكهة الفانيلا طعمها حلوو مررة وحتى صرت أستخدمها بتحضير القهوة الباردة وصارت تغنيني عن وضع العسل أو السكر ..ولو مالقيتي نكهة الفانيلا فيك تحطي معاه فانيلا سايلة وإذا ماحسيتيه سويت ضيفي معاه عسل أو سكر صحي

.ونجي لمكونات السموذي تحضيرو سهل وسريع ماياخذ منك دقايق فقط.

..