مشتريات من زارا هوم
كيفكم ان شاء الله تمام...
اليوم التدوينة راح تكون عن مشترياتي من زارا هوم لغرفتي .وان شاء الله يعجبكم البوست وتستمتعو..
بسم الله يلا نبدأ
أول شي نجي للشمعة اللي على شكل فيل. مررة حبيتها تفاصيلها حلوة فيها نقش بالذهبي بس فاتح وطبعا مستحيل أشغلها حخليها زينة اصلا حرام تشتغل أنا من الناس اللي تحب الفيلة شكلها كيوت هههه السعرتقريبا ب ١٢٥ريال.
نجي للفخار الصغير منحوت ب٤ وجوه عليها ملامح تعبيرية زعلان ،فرحان ،معصب ،وجه بدون تعبير . مرة حبيتها حسيتها مميزة
وشكلها جدا طبيعي يدوي سعرها ٦٩ ريال
وآخر وأحلى شي اللي ادورو من زمان كل مارحت زارا الاقيه مخلص. مجسم الغزال مرررة تعجبني مجسمات الغزلان
احسها تعطي منظر ديكوري جميل . وتعطي شعور بالدفء أنا مخليتها عالمكتب . ومرة خايفة عليها تنكسر او شي من كثر حبي لها.. سعرها أعتقد بحدود ١٩٩ ريال
كان نفسي أشتري صبار صغير أو شجر صغير يعطي شكل حلو مرة فشفت بزارا دي الصبارتين أشكالها حلوة مررة
قمت أخذتها ولمن رجعت اكتشفت إنها شمعة. مررة ماكان مبين انها شمعة فخليتها زي ماهيا وطبعا محأستخدمها حتكون للزينة. سعر الوحدة فيهم اعتقد ب ٥٩ ريال
نجي للشي الجميل أول ماشفتها بالمحل حبيتها مررة وحسيتها قطعة مميزة حلو إنك تقتنيها.
تحفة أو زينة على شكل نبتة البحر ماأعرف اش اسمها بالضبط بس أنو هيا نوع من أنواع النبات اللي يكون أو ماينوجد إلا بالبحر .. سعرها ب ١٠٠ وعليها واللي حبيتو فيها أنو قاعدتها قزاز
وأخذت صورة لها عن قرب عشان تبرز تفاصيلها أكثر
وآخر شي ، أخذت هذي الكاستين الأولى من اليمين ماكنت مقنعة فيها كثير. إستخدمتها لليب لاينر والايلانر شكلها عالتسريحة حلو بعد فترة استعملتها لرموت التلفزيون والرسيفر ورموت الأبل تي في . وحبيت مكانها الجديد على طاولة التفزيون أكثر من التسريحة، وبعدين .سعرها ١٩ ريال أخذتها وقت التخفيض.
أما الثانية مررة حبيتها تفاصيلها حلوة أنا من الناس اللي مؤخرا صار يعجبني الرسم الهندسي وهو دارج كثير بالفترة
الأخيرة أستخدمتها للأقلام على طاولة الكمبيوتر.. سعرها ب ١٢ أ ١٥ ريال ..
وبس ،ان شاء الله يكون الموضوع عجبكم..