أكل صحي لشهر رمضان المبارك
السلام عليكم .. كل عام وأنتم بخير ورمضان كريم ... اليوم حابة أنزل لكم موضوع جديد بعيد عن الميك أب والفاشن والديكور ... الموضوع بإختصار عن ... الأكل الصحي أو الغذاء الصحي بشهر رمضان المبارك .. وطرق أو حاجات بسيطة نقدر نستبدلها بأشياء مفيدة .. تفرق ببشرتها وبجسمنا .. ومعروف بعد رمضان حنستقبل العيد ولازم نستقبلو بأحلى جسم وطلة .. وبشرة نظيفة .. راح أعرض لكم أشياء جداا بسيطة .. أنا شخصيا أستخدمها برمضان ... والحمدلله نقص وزني .. وحتى لو وزنك مانقص أهم حاجة مايزيد .. ويالله نبدأ...
زي مانتو شايفين هذي حاجات بسيطة .. سناكات .. عصيرات .. شوفان .. قرانولا .. شيبس .. شاي .. عجوة المدينة .. عسل .. راح أتكام عنها ... المجموعة الأولى .. تتكون من شوفان صحي ولذيذ .. العلبتين الأولى عبارة عن حبوب قمح . شعير .فواكه مجففة . زبيب . شوفان .. كلها حاجات مفيدة وحلو لو تاخديها عالفطور مع حليب قليل الدسم أو حليب الصويا . زي ماتحبي .و غير كذا تشبع مرة .. وتعطي طاقة للجسمم .. صراحة أنا حبيت النوع الثاني .. dorset cereals صرحة طعمتو لذيذة وفيه زبيب .. ونا أحب أضيف عليه .. مكسرات الجوز جدا مفيدة والدهون اللي فيها مفيدة مرة تنشط المخ وفيها قيم غذائية عالية جدا ومفيدة لإنقاص الوزن ولصحة القلب.. فلو تكون أول وجبة لك أفضل من اللقيمات . وأصابع الجبنة .. هههه
نجي للنوعين الثانية .. شوفان منوع فيه الاورجنال .. واللي مضاف عليه نكهات .. الاوجنال بدون نكهة ..يمكن تضيفي عليه قرفة مصحونة أو مكسرات بدون ملح .. أو فواكه مجففة .. أو موز ومرة بيطلع لذيذ مع الموز.. من نفس الماركة فيه نكهات كثيرة .. في بالفراولة وفيه بالسينابون .. وفيه بالتفاح .. طبعا انا ذقتها كلها وأفضل نكهة ليا السينابون .. لذيذة مع الموز .. تعطي طاقة . وغير كذا طعم لذيذ .. بإمكانك تستبدلينها بالحلى ... وفيه طرق للشوفان إما مع الحيب .. او تعملي فيه بان كيك .. أو تعملي فيه سموذي..
المجموعة الثانية .. عبارة عن سناكات فيها بروتين .. حلو تاكلها قبل التمرين أو بدل الحلى .. أو تتسحري عليها يكون سحورك خفيف .. أو تخليها معك بالشنطة بحيث إذا جعتي .. وكنتي برا ماتخبصي بالأكل علطول كليها.. طبعا السناكات الصحية شركات كثيرة أشكال وأنواع ونكهاات .. راح أبدأ ب weetabix banan هذا عبارة عن شعير او قمح جداااا ثقيل وسعراتو قليلة مررة .. ينفع مع الحليب الحار .. أو تستخدميه للحلى بدل الدقيق .. حباتو كبيرة وخشنة أنا مومرة حبيتو بس في ناس بيعجبها .. بستخدمو بطريقة ثانية .. واجرب .. وهذي برضو سناكات ... ماركة naka صراحة ماحبيتها .. ثقيلة نوعا ما وطعمتها غريبة شوي وغير كذا سعراتها تعتبر مرتفعة.. أما شركة nature valley سناكاتهم حلوة وتعجبني وطعمتها لذيذة ..فيه نكهات لذيذة ومتنوعة .. بس أنا حبيت نكة السينابون .. كل ماجعت واشتهيت آكل قطعة منها .. آخذ لي سناك ..يشبع ولذيذ ..
ماركة alpen litght حبيتها لذييذة اخذت بنكة الفراولة مالقيت غيرها .. طعمة الفراولة موثقيلة خفيفة ولذييذة وهشة.... وبجرب أنواع ثانية .. في نكهة عليها مدح بجوز الهند .. ان شاء الله اجربها .. اما الماركات الثانية .. جديدة عليا .. اخذت نكة الفستق .. والبلو بيري .. طعمتهم لذييذة بالذات الفستق كأنو فريش..
نجي لأحلى فقرة .. فقرة الشيبسات .. شركة .. kiwa مشهورة ومعروفة بشيبساتهم .. صحية ،لذيذة .. أخذت بنكهة الشمندر ..مفيد للدم .. وللبشرة ..
وشركة sun bites سناكاتهم لذييييذة وسعراتها قليلة .. عندهم نكهات متنوعة انا حبيت نكة العسل والخردل .. وحبيت نكهة الجبنة والأعشاب.. تجي شرايح زي الخبز ينفع تحطيها مع السلطة .. بدل الخبز تبع الفتوش اللي نسويه بالزيت ..
واخر شي شيبس أو مكسرات ... ماركة chex mix أتعب يابنات ونا اقول لذييذة .. الذ شي صحي قد ذقتو .. انا احب نكة سبايس .. ونكهة سبايس مع حلو .. ونكهة بارتي بلند اللي كيستها سودا في الصورة..
معروف إن أول مايأذن نفطر على تمر .. وأفضل تمر نفطر عليه هو عجوة المدينة .. مفييد وأفضل من الأنواع الثانية اللي كمية السكر تكون كثيرة .. هذا التمر خفيف .. ولذيذ .. ونا أكثر نوع تمر أحبو سواء كنت بخفف أو لا ..
نجي للعسل نقدر نستبدلو بدل السكر في العصاير مع البان كيك .. أو لمن نصحى عالريق مع كاسة موية دافية .. يقوي المناعة وينحف . ويعتبر مطهر للمعدة . بس لمن تاخذيها يكون عالريق وماتاكلي بعدها أقل شي ٤٥ دقيقة .. عشان يكون مفعولو أفضل..
وإذا ما كنت حابة تستخدمي العسل طول الوقت أو فكل أكلك تقدري تستخدمي سكر شركة ستيفيا .. سكر صحي نوعا ما ..وأفضل من اللي بنستخدمو .. وطبعا انا من عشاق المكرونة ولازم آكل مكرونة .. أخترت نوع .. بالقمح الكامل .. ماركة أبازير .. وخذي كمية للوجبة بقدر كوب .. مع ملعقة زيت زيتون .. مع رشة ملح صخري .. وحطي بهاراتك اللي تحبيها .. كمون .. فلفل أسود .. نعنع .. ريحان .. بهارات البيتزا .. أوريقانو .. مع طماطم ..بصل ثوم ..بروكلي ..وخضار .. يعني زي ماتحبي تاكلينها ..
ماركة alpen litght حبيتها لذييذة اخذت بنكة الفراولة مالقيت غيرها .. طعمة الفراولة موثقيلة خفيفة ولذييذة وهشة.... وبجرب أنواع ثانية .. في نكهة عليها مدح بجوز الهند .. ان شاء الله اجربها .. اما الماركات الثانية .. جديدة عليا .. اخذت نكة الفستق .. والبلو بيري .. طعمتهم لذييذة بالذات الفستق كأنو فريش..
نجي للعصاير .. شركة أريزونا عصايرهم السكر فيها قليل جداا أشبه بمعدوم ونكهاتهم حلوة ولذيذة ومتنوعة حبيت اللي بالحبحب .. لذييذ مع الثلج .. يسرسح عالقلب .. وشركة ليبتون .. الشاي المثلج بطللل .. أحلى نكهة اللي بالشاي الأخضر ..مع خوخ وكمثرى .. فيكم تقوقو انو أفضل شي بارد أشربو ونا ضميري مرتااح .. سعراتو جداا قليلة فقط ٤٥ سعرة ..ولذيذة ومنعش .. والأفضل تشربوه بارد مع ثلج .. نجي لشركة كددي .. عصيراتهم لذيذة حبيت أكثر شي اللي بالكرز .. وحليب الشوكولاتة .. لذيييذ مرررة ..ونجي لحيب الصويا .. يعتبر أفضل بكثير من الحليب العادي .. فيه أنواع كثيرة .. ومعروف حليب الصويا عن فوايدو أشهر من النار عالعلم .. وعندكم برضو موية جوز الهند .. مررة مفيدة للشعر للبشرة للجسم ...الخ .. هذي
الماركة اللي عندي رويال طعمتو مو وااو بس مفييد ..اللي يبغى الدح مايقول آح.. ههه
ونجي للفواكه المثلجة .. اللي هيا أفضل شي للسموذي الصحي.. هذي الماركة اللي بالصورة .. الفواكهه حقتها المجمدة كأنها فريش تجنن طعمتها مرر. وفي من نفس الماركة حاطين كل البيري المثلج مع بعض بكيس واحد .. يعطي بيطلع معك أحلى سموذي .. وعندك أنواع سموذي كثييرة بس اللي أنا دايما أستخدمها .. سبانخ .شمندر .موز . جرجرير.جزر .كمثرى ..فراولة.. توت.. أفوكادو .كيوي.حبحب .. طبعا موكلها مع بعض انتي حطي اللي تحبيه في الخلاط .. مثلا ٣ أنواع خضار و ٢ فواكه وهكذا .. فوائد السموذي كثيييرة .. وغير كذا طعمها حلو ..
كنت ناسية وماصورتها .. رحت عالسريع صورتها .. الموهم ... الملح اللي دايما نستخدمو جداااا مضر .. نستبدلو بملح البخر الخشن.. أفضل بكثير من الملح العادي ومضارو أقل .. طبعا مو شرط نفس الشركة اللي بالصورة.. أهم شي ملح خشن بحري ... ونجلي لزبدة الفول السوداني طعمتها جدااا لذيذة زي الزبدة اللي نستخدمها بس دي تتميز بإنها صحية .. اورقانيك.. مو زي العادية مليانة زيت نباتي وسكر ونكهات حافظة .. اسم الشركة nuts"n more عيبها سعرها جدا غالي .. وأكيد حأدور بدائل بسعر أقل أو يمكن نعملها بالبيت ..
أنواع شاي من ماركات مختلفة .. أشهر ماركة شاي .. english tea انا عندي النوع اللي بالرمان طعمتو لذيذة ومفيدة مررة ومعاه ميرمية .. ونباتات تانية .. والنوع التاني بالديتوكس بالاعشاب ينظف البطن .. يطرد السموم ..تحسي نفسك فريش بعدها .. النوع الثالث يعتبر للرشاقة برضو بالأعشاب وينظف الجسم ..حلو إنك تستمري عليها . بتلاقي نتايج ..النوع الرابع من ماركس آند سبينسر لذيييذ بالآفندر .. مررة يرخي الأعصاب ويهدأ ويعمل ريلاكسينق .. والنوع الأخير للتخسيس بالزنجبيل والليمون .. ومعروفة فوايد الزنجبيل والليمون للجسم ..
ونجي لمحبي التشوكلت .. مين أصلا مايحبهاا .. في تشوكلت حلوة للدايت ..أو للناس اللي تبغى تقلل سكريات .. خذوها للمعلومية .. كل مازادت نالنسبة المئوية في التشوكلت .. كل ماكان السكر قليل جداا .. يعني زي اللي في الصورة .. في تشوكلت ٩٠٪ يكون دارك مررة وفيه مرار أنا أحب الشوكولاتة المرة للي يحبو الدارك حتعجبهم مرر. بالذات مع قهوة الإسبريسو ..وبرضو ٨٠٪ أو ٨٥ ٪ دارك وفيها مرارة بس موزي ال٩٠٪أما اللي ماتحب الدارك وتبغى طعمة السكر تاخذ ٧٢٪ جداا معتدلة حلو ومر .. وحتناسب الكل .. واللي تبغى طعمة الحلو أكثر تاخذ ٦٢٪ .. أفضل نوع جربتو ماركة noir لذيذة لذيذة لذيذة نسبة الدارك ٧٢٪ مع المكسرات الطعم بطل لايوصف ... وبرضو اللي ماركتها ..belgian اللي عليها شريطة .. أفضل نكهة اللي بالشاي الأخضر لذييذة .. فحلو لو اشتهينا تشوكلت ناخذ قطعة قطعتين .. مع القهوة ماتضر .. الحاجات اللي آكلها برمضاان .. صدور الدجاج .. سلطة خضرا.. وجبات مليانة بعناصر الأوميقا٣ زي التونة.. الأسماك .. القمبري.. فيليه سمك .. اشربو شوربة بالخضار مع الدجاج .. مفيدة وما فيها دهون وزيوت ..كثرو شرب مويه أقل شي لتر ونص باليوم .خذي فواكه زي الموز .. الكمثرى.. التفاح الأخضر .. الكيوي ..خذو مكسرات نية مع الشوفان. اعملو سموذي .. وبكذا يكون انتهينا من البوست الطويل .. حابة إنكم تكونو استفدتو .. .. وآسفة عالإطالة .. وكل عام وأنتم بخير.....